რუსთაველის გამზირზე მოეწყობა გამოფენა ,,ხელნაწერთა ეროვნული ცენტრი – 60“. გამოფენაზე წარმოდგენილი იქნება სასულიერო, საერო, სამეცნიერო შინაარსის ხელნაწერები (მულაჟები): ხანმეტი ლექციონარი, VII ს., ასტროლოგიური ტრაქტატი, XII ს., ვეფხისტყაოსანი (წერეთლისეული) და სხვ.
ასევე, მოლბერტებზე წარმოდგენილი იქნება საინფორმაციო ბანერები (ხელნაწერთა ეროვნული ცენტრი) და კალიგრაფიული ნიმუშები (კალიგრაფიის კონკურსების ფარგლებში შესრულებული საუკეთესო ნიმუშები).