რუსთაველის გამზირზე განთავსებული იქნება ინოვაციების და ტექნოლოგიების სააგენტოს სტენდი, სადაც გამოიფინება სააგენტოს სტარტაპების პროდუქცია:
HAND4HELP – მაღალტექნოლოგიური ხელის პროთეზი, TRAVEL GUIDE – ტურისტული გიდი, VRex – სტარტაპი, რომელიც საშუალებას აძლევს ტურისტებს სასურველი ტურის დაგეგმვამდე ვირტუალური რეალობის მოწყობილობების საშუალებით მოინახულოს ღირსშესანიშნაობა და თანხის გადახდამდე იქონიოს წარმოდგენა სხვადასხვა შეთავაზებაზე, LINGWING – უცხო ენების შემსწავლელი ვებ-გვერდი, CNICK – ხის პირველი ჭკვიანი ბეჭედი, რომლის საშუალებით მომხმარებელი განახორციელებს გადახდებს ტერმინალებსა და ტრანსპორტში.
