მიხეილ კალატოზოვის ფილმისთვის ,,სვანური მარილი” (ჯიმ-შვანთე) ახალი ელექტრონული მუსიკა შეიქმნება, რომლის კომპოზიტორია თანამედროვე ქართული მუსიკალური სცენის ერთ-ერთი ყველაზე საინტერესო წარმომადგენელი გოგი ძოძუაშვილი. მესტიაში კოშკების ფონზე ფილმის ჩვენება ელექტრო-აკუსტიკური მუსიკის თანხლებით გაიმართება. პარალელური ღონისძიების სახით სვანეთის მუზეუმში გაიმართება მიხეილ კალატოზოვის მულტიმედია გამოფენა.