აკაკი ჩხენკელის მემორიალურ დაფის გახსნა ხონის N2 საჯარო სკოლაში

17 მაისს, 13:00 საათზე, აკაკი ჩხენკელის სახელობის ხონის N2 საჯარო სკოლაში ინფორმაციის თავისუფლების განვითარების ინსტიტუტის (IDFI), ნატოსა და ევროკავშირის საინფორმაციო ცენტრის და ხონის მუნიციპალიტეტის წარმომადგენლები აკაკი ჩხენკელის მემორიალურ დაფას გახსნიან.

ცერემონიის შემდეგ, IDFI-ის საარქივო და საბჭოთა კვლევების მიმართულების ხელმძღვანელი/ისტორიკოსი ანტონ ვაჭარაძე ხონის საჯარო სკოლაში გამართავს ლექციას საქართველოს დამოუკიდებლობის მოპოვების და აკაკი ჩხენკელის როლის შესახებ ამ პროცესში. იგი ასევე ასევე ისაუბრებს აკაკი ჩხენკელის როგორც საგარეო საქმეთა მინისტრის, საფრანგეთში სრულუფლებიანი ელჩის და დამფუძნებელი კრების (პარლამენტის) წევრის მოღვაწეობაზე.

აკაკი ჩხენკელი 1874 წელს ხონში დაიბადა. თბილისის და შემდგომში ევროპის რამდენიმე უნივერსიტეტში სწავლის შემდეგ ჯერ რუსეთის, ხოლო შემდეგ საქართველოს პირველი დემოკრატიული რესპუბლიკის ერთ-ერთი უმთავრეს პოლიტიკურ ფიგურად იქცა. 1921 წელს მთავრობის სხვა წევრებთან ერთად საფრანგეთში დევნილობაში აღმოჩნდა, სადაც კვლავ აგრძელებდა ქვეყნის დამოუკიდებლობის აღდგენისთვის ბრძოლას. გარდაიცვალა 1959 წელს, დაკრძალულია ლევილის ქართველთა სასაფლაოზე. 2015 წელს აკაკი ჩხენკელის მშობლიურ რაიონში, ხონში, N2 საჯარო სკოლას მისი სახელი ეწოდა.

ღონისძიების დეტალები
  • დასაწყისი
    17/05/2018 13:00
  • დასრულება
    17/05/2018 14:00
  • ადგილმდებარეობა
  • მისამართი
    ხონი
ბოლო ღონისძიებები
მიმდინარე
26/05/2018
თბილისი
საქართველოს ეროვნული მუზეუმი ივ. ჯავახიშვილის სახელობის...
დასრულებული
26/05/2018
ზუგდიდი
პირველი რესპუბლიკის დაარსებიდან 100 წლისთავთან დაკავშირებით...
დასრულებული
25/05/2018
თბილისი
საქართველოს პირველი დემოკრატიული რესპუბლიკის დაარსებიდან 100...
მომდევნო
28/09/2018
თბილისი
საქართველოს კონკურენციის სააგენტოს თავმჯდომარის ნოდარ ხადურის...
დასრულებული
26/05/2018
წყალტუბო
დამოუკიდებლობის 100 წლისთავთან დაკავშირებით წყალტუბოს განსაკუთრებულად...