საქართველოს დამოუკიდებლობის აღდგენის დღესთან დაკავშირებით, თავისუფლების მოედანზე ფიცის დადების ცერემონიალი გაიმართება.
ღვთისა და ერის წინაშე სამხედრო ფიცს წვევამდელები საქართველოს 6 ადგილიდან (თბილისი, ტაბახმელა, გელათი, ვარძია, შინდისი, ბათუმი) დადებენ. საიუბილეო თარიღთან დაკავშირებით ერთ-ერთი საჯარისო კოლოფი წარმოდგენილი იქნება საქართველოს პირველი დემოკრატიული რესპუბლიკის რიგითი ჯარისკაცის აღდგენილი ფორმით. საზეიმო ღონისძიებაზე ასევე წარმოდგენილნი იქნებიან შეიარაღებული ძალების ის ქვედანაყოფები, რომლებმაც ბოლო წლებში როგორც ქვეყნის შიგნით, ასევე მის ფარგლებს გარეთ მნიშვნელოვან წარმატებებს მიაღწიეს. თავისუფლების მოედანზე სამხედრო ტექნიკის, შეიარაღებისა და აღჭურვილობის გამოფენაც მოეწყობა. ღონისძიებაზე შესრულდება საქართველოს ჰიმნი. საქართველოს შეიარაღებული ძალების სამხედრო-საჩვენებელ ორკესტრთან ერთად ღონისძიებაზე სამხედრო მარშებს შეასრულებენ უცხო ქვეყნის ორკესტრებიც.
